EEK Alqasynyń qazaqstandyq músheleri aýysty
Kezdesýde Tımýr Súleımenov men Nurlan Aldabergenovtiń jańa laýazymǵa taǵaıyndalýyna baılanysty EEK Alqasynyń eki múshesiniń ókilettigi toqtatyldy.
Jańa múshe Tımýr Jaqsylyqovtyń quzyretine ekonomıka jáne qarjy saıasaty máseleleri kiredi, al Marat Qusaıynov básekelestik jáne monopolııaǵa qarsy den qoıý máselelerimen aınalysady.
Eske salsaq, Bishkekte «Ala-Archa» memlekettik rezıdentsııasynda Qyrǵyzstannyń tóraǵalyǵymen JEEK otyrysy ótýde. Kezdesýge Qazaqstan, Qyrǵyzstan, Armenııa, Belarýs, Reseı, Moldova prezıdentteri qatysty.
Jaqsylyqov Tımýr Mekeshuly 1968 jyly dúnıege keldi. M.V. Lomonosov atyndaǵy Máskeý memlekettik ýnıversıtetin (1993) tarıhshy mamandyǵy boıynsha; Saıası zertteýler ınstıtýtynyń (Strasbýrg qalasy, Frantsııa) magıstratýrasyn (1997) eýropalyq zertteýler salasyndaǵy magıstr mamandyǵy boıynsha; Qazaq ekonomıka jáne qarjy ınstıtýtyn (2003) ekonomıst mamandyǵy boıynsha bitirgen.
1993-1996 jyldary - Qazaqstan Agrotehnologııalyq ýnıversıtetiniń atqarýshy dırektory, 1997 jyldan - QR Strategııalyq josparlaý jáne reformalar jónindegi agenttiginiń bas mamany, bólim bastyǵy, 1998 jyldan - QR Prezıdenti Ákimshiliginiń Taldaý jáne strategııalyq zertteýler ortalyǵynyń sektor meńgerýshisi, 1999 jyldan - QR Qaýipsizdik Keńesiniń Taldaý ortalyǵynyń sektor meńgerýshisi, 2002 jyldan - QR Prezıdenti Ákimshiliginiń Júıeli zertteýler ortalyǵy basshysynyń orynbasary, 2003 jyldan - QR Indýstrııa jáne saýda mınıstrliginiń Dúnıejúzilik saýda uıymyna kirý jónindegi departamentiniń dırektory, 2004 jyldan - Jenevadaǵy Dúnıejúzilik saýda uıymynyń máseleleri jónindegi QR Indýstrııa jáne saýda mınıstrligi ókilder tobynyń basshysy. 2005 jyldan - QR Syrtqy ister mınıstrliginiń Shveıtsar Konfederatsııasyndaǵy QR turaqty ókildiginiń 1-shi hatshysy, 2006 jyldan - QR Ekonomıka jáne bıýdjettik josparlaý mınıstrliginiń «Ekonomıkalyq zertteýler ınstıtýty» RMK bas dırektory, 2007 jyldan - «Astanany turaqty damytý ortalyǵy» JShS dırektory, Astana qalasynyń Ekonomıka jáne bıýdjettik josparlaý departamentiniń dırektory m. a., dırektory, 2008 jyly Astana qalasy ákiminiń ekonomıka jáne qarjy toptamasy boıynsha orynbasary, 2014 jylǵy tamyzdan bastap QR Ulttyq ekonomıka vıtse-mınıstri boldy.
Qusaıynov Marat Apsemetuly 1965 jyly 27 qańtarda týǵan. 1988 jyly Almaty halyq sharýashylyǵy ınstıtýtyn «Ónerkásipti josparlaý» mamandyǵy boıynsha, 1997 jyly - Qazaqstan Respýblıkasy Prezıdentiniń janyndaǵy Memlekettik basqarý Ulttyq Joǵary mektebin «Memlekettik basqarý» mamandyǵy boıynsha oqyp bitirdi.
Eńbek jolyn 1988 jyly Qyzylorda qalalyq atqarý komıtetiniń apparatynda bólim nusqaýshysy bolyp bastady. 1997 jylǵy shildeden bastap Qazaqstan Respýblıkasy Premer-Mınıstri Keńsesinde aqparattandyrý bóliminde makroekonomıkalyq taldaý jáne aqparat sektorynyń konsýltanty, odan keıin jınaqtaý taldamalyq bóliminiń konsýltanty boldy. 2000 jyldyń tamyzynan bastap Qazaqstan Respýblıkasy Strategııalyq josparlaý agenttiginiń Áleýmettik-ekonomıkalyq taldaý departamenti dırektorynyń orynbasary, dırektory qyzmetterin atqardy. Qazaqstan Respýblıkasy Ekonomıka jáne bıýdjettik josparlaý mınıstrliginiń apparatynda 2002 jyldyń jeltoqsanynan bastap Departament dırektory laýazymynda eńbek etti. 2006 jyldyń aqpanynda Qazaqstan Respýblıkasy Ekonomıka jáne bıýdjettik josparlaý vıtse-mınıstri, 2010 jyldyń naýryzynda Qazaqstan Respýblıkasy Ekonomıkalyq damý jáne saýda vıtse-mınıstri, 2014 jylǵy tamyzdan bastap Ekonomıka jáne bıýdjettik josparlaý birinshi vıtse-mınıstri bolyp taǵaıyndaldy.
