EEAO keńistiginde azamattardyń erkin júrýin jańartý qajet – Aleksandr Lýkashenko
NUR-SULTAN. QazAqparat – Belarýs Respýblıkasynyń Prezıdenti Aleksandr Lýkashenko Eýrazııalyq ekonomıkalyq odaq keńistiginde uıymǵa múshe elderdiń azamattarynyń erkin júrýin jańartýdy usyndy, dep habarlaıdy QazAqparat tilshisi.
«Ótken jylǵy kúrdeli kezeń ekonomıkalyq belsendilikti qoldaýdyń naqty ulttyq birlesken is-sharalaryn júzege asyrý daǵdarys saldaryn jýyp-shaıýǵa múmkindik beretindigin baıqatty. Sonymen birge keleshekte ekonomıkalyq ósim úshin qurylymdyq ózgeristerge negiz qalaıtyndyǵyn kórsetip berdi. Bizdiń Úkimetterimiz odaq keńistiginde azamattardyń erkin júrýin jańartý boıynsha birlesken is-qımyldyń naqty algorıtmderin kelisetin ýaqyt jetkenine senimdimin. Árıne, koronavırýstyń jańa taralý oshaqtaryn, ózge aýrýlardyń taralýyn shekteý úshin is-sharalar qabyldaý arqyly ǵana», - dedi Belarýs Prezıdenti Joǵary eýrazııalyq ekonomıkalyq keńestiń otyrysynda.
