Edvard Snoýden Reseıden ýaqytsha baspana surady

Bul jaıly onymen áýejaıda kezdesken adamdardyń biri, Reseı qoǵamdyq palatasynyń múshesi jáne advokat Anatolıı Kýcherena málim etti.

12 shildede "Sheremetevo" áýejaıynyń tranzıt aýmaǵynda Snoýdenmen ońasha kezdesken adamdardyń biri - Reseı memlekettik dýmasy depýtaty Vıacheslav Nıkonovtyń aıtýynsha, "Snoýden budan bylaı AQSh-qa kesirin tıgizbeıdi".

Reseı prezıdentiniń baspasóz hatshysy Dmıtrıı Peskovtyń sózinshe, Kreml ázirshe Snoýdennen baspana suraǵan ótinish almaǵan - biraq Reseıdiń oǵan qoıǵan sharty ("AQSh-qa zııanyn tıgizýden bas tartý") ózgermegen.

Vashıngton "Qupııa málimetterdi jarııa etti" dep aıyptaǵan Edvard Snoýden AQSh arnaıy qyzmetiniń túrli elderdegi azamattardyń ınternettegi jáne telefondaǵy baılanystaryn jasyryn tyńdaıtyn qupııa baǵdarlamasyn áshkerelegen edi. Baǵdarlama halyqaralyq deńgeıde janjal týdyryp, AQSh-tyń odaqtastary da oǵan narazylyq bildirgen. AQSh-ta Edvard Snoýdenge barlaý qyzmetiniń qupııa baǵdarlamasyn áshkerelegeni úshin "tyńshylyq jasady" degen aıyp taǵylyp, is qozǵalǵan.

Gonkongten Reseıge 23 maýsymda kelgen Edvard Snoýden sodan beri "Sheremetevo" áýejaıynyń tranzıt aýmaǵynda otyr, dep habarlaıdy «Azattyq».