Edvard Paskýale «Barys» quramyna qaıta oraldy
ASTANA. QazAqparat - «Barys» hokkeı klýby kanadalyq qaqpashy Edvard Paskýalemen kelisim-shart jasaǵanyn resmı túrde jarııalady. Birjaqty kelisim 2025 jyldyń 30 sáýirine deıin jasalǵan, dep habarlaıdy QazAqparat tilshisi.
Kanadalyq 32 jastaǵy qaqpashy Qurlyqtyq hokkeı lıgasyndaǵy alǵashqy maýsymyn 2019/2020 jylǵy maýsymda «Barys» komandasy quramynda ótkizdi. Odan keıin Reseıdiń «Lokomotıv» (ıAroslavl) jáne «Metallýrg» (Magnıtogorsk) klýbtarynyń namysyn qorǵady.
Sondaı-aq, elordalyq klýb shabýylshy Roman Starchenkomen kelisim-shart jasalǵanyn habarlady. ol 14 jyl boıy «Barys» quramynda oıyn kórsetti. Ótken jyly Reseıdiń «Spartak» (Máskeý) klýbynda boldy.
Al qaqpashy Nıkıta Boıarkın men qorǵaýshy Ádil Beketaev kelisim-shartyn uzartty.
Chehııalyq Davıd Sklenıchka endi bir jyl boıy «Barys» sapynda oıyn kórsetedi.
Eske salsaq, budan buryn «Barys» qurlyqtyq hokkeı lıgasyndaǵy alǵashqy oıynyn qashan ótkizetini belgili boldy.
