09:22, 01 Naýryz 2025 | GMT +5
Edýard Kım ártistik júzýden Álem kýbogynyń kezeńinde kúmis júldege ıe boldy
ASTANA. KAZINFORM – Ártistik júzýden Qazaqstan quramasynyń sportshysy Edýard Kım Frantsııanyń Parıj qalasynda ótip jatqan Álem kýbogynyń kezeńinde kúmis júldege ıe boldy.

QR UOK málimetinshe, sportshy tehnıkalyq baǵdarlamada 213,8167 upaı jınap, ekinshi orynǵa ıe boldy.
Altyn medaldi 214,3966 upaımen Ulybrıtanııa ókili Ranjý Tomblın jeńip aldy. Úzdik úshtikti 213,5992 upaımen ıspanııalyq Jordı Iglesıas qorytyndylady.
Aıta keteıik, Qytaıdyń Chjaotsın qalasynda erler men áıelder arasynda vaterpoldan Azııa chempıonaty ótip jatyr. Atalǵan dodada Qazaqstan erler quramasy jartylaı fınalǵa shyqqanyn jazǵan bolatynbyz.