EDSM 2012-2014 jyldary bıýdjet tapshylyǵyn JІÓ-ge qatysty 2,5-ten 1,3 paıyzǵa tómendetýdi josparlaıdy
ANA. 10 mamyr. QazAqparat /Marlan Jıembaı/ - QR Ekonomıkalyq damý jáne saýda mınıstrligi 2012-2014 jyldary bıýdjet tapshylyǵyn JІÓ-ge qatysty 2,5-ten 1,3 paıyzǵa tómendetýdi josparladp otyr.
Bul týraly búgin Úkimet otyrysynda QR Ekonomıkalyq damý jáne saýda mınıstri Qaırat Kelimbetov aıtty.
«Al aldaǵy úsh jyldyq bıýdjetke keletin bolsaq, 2012-2014 jyldary absolıýttik mándegi bıýdjet tapshylyǵynyń 2012 jyly 676,9 mlrd. teńgeden 2014 jyly 441,4 mlrd. teńgege deıin jáne jalpy ishki ónimge qatysty tıisinshe 2,5 paıyzdan 1,3 paıyzǵa deıin tómendeýi josparlanyp otyr», - dedi ol.
Mınıstrdiń atap ótýinshe, Ulttyq qordan shektelgen 1,2 trln. teńge kepildendirilgen transfert kezinde jalpy tapshylyqtyń tómendeýine qaraı munaı emes tapshylyqtyń jalpy ishki ónimnen 4,8 paıyzǵa tómendeýi kózdelýde.
«Memlekettik shyǵystar jalpy ishki ónimniń 20-23 paıyzy deńgeıinde boljanyp otyr», - dedi Q.Kelimbetov.
