EDQKB Qaraǵandynyń kommýnaldyq júıesin jańǵyrtýǵa qaryz berýdi usynýda

ASTANA. QazAqparat - TMD men Azııany qalpyna keltirý jáne damytý jónindegi Eýropalyq banktiń bankıri Bahtıer Faızıev Qaraǵandy oblysynyń ákimi Nurmuhambet Ábdibekovke halyqaralyq qarjy ınstıtýtynyń TKSh salasyndaǵy jobalary nesıeleý jobasyn tanystyrdy.

«Bizdiń maqsatymyz - qyzmet sektoryn kommertsıalaý jáne ınfroqurylymdyq jobalar bank operatsııalarynyń bir bóligi. Qazaqstandaǵy ınvestıtsııanyń jıyntyq kólemi 7 mıllıard dollarǵa teń, ıaǵnı EDQKB Qazaqstandaǵy munaı-gaz sektorynan basqa saladaǵy eń iri ınvestor bolyp tabylady», - dep atap ótti Bahtıer Faızıev.

Óz kezeginde oblys ákimshiligi bul usynysqa jan-jaqty qyzyǵýshylyq tanytty, óıtkeni qaryzǵa alǵan qarajatty memlekettik resýrstardy tartý arqyly paıdalaný múmkindigi bar, dep habarlaıdy oblys ákiminiń baspasóz qyzmeti. EDQKB Qaraǵandy qalasyndaǵy tozý deńgeıi 70 paıyzǵa jetken kommýnaldyq ınfraqurylymdy jańartý jobasyna qatystyrý josparlanýda. Ári qaraı bul tájirıbe oblystyń basqa da eldi mekenderindegi TKSh mekemelerin modernızatsııalaýǵa qoldanylady.
«Turǵyn úı kommýnaldyq sharýashylyq sektory jobasyna ınvestıtsııa salýy - óte mańyzdy másele. Bizde Shahtınsk JEO modernızatsııalaý, Temirtaý qalasynyń jylý jelilerin qalpyna keltirý jáne basqa da kóptegen jobalar bar. Sondyqtan da biz aldaǵy qarym-qatynasqa múdelimiz», - dedi Qaraǵandy oblysynyń ákimi Nurmuhambet Ábdibekov.