Edınbýrgte osydan 500 jyl buryn darǵa asylǵan teńiz qaraqshysynyń súıegi tabyldy
ASTANA. QazAqparat - Edınbýrgte kóne bastaýysh mekteptiń balalarǵa arnalǵan oıyn alańyn salyp jatqan qurylysshylar adam qańqasynyń ústinen shyqty.
Ǵalymdar súıekterge 500 jyl bolǵanyn anyqtady, dep habarlaıdy The Telegraph.
Oqıǵa ornyna kelgen polıtseıler, qańqany tekserip, eshqandaı qylmystyń izin tappaǵan soń arhelologtardy shaqyrǵan. Ǵalymdar bul súıekterge keminde 500 jyl bolǵandyǵyn anyqtady.
Tarıhshylardyń paıymdaýynsha, ol kezeńde bul jerde keme jóndeıtin oryn, al onyń aýmaǵynda dar aǵashy bolǵan. Shamasy, bul aýyr qylmysy úshin darǵa asylǵan teńiz qaraqshysynyń súıegi bolýy yqtımal.
