Edınbýrgte baltasy bar er adam meshit janynda 5 adamdy jaraqattady
ASTANA. KAZINFORM — Shotlandııa astanasynda balta ustaǵan er adam meshit mańyndaǵy adamdarǵa shabýyl jasap, bes adamdy jaraqattady. Ony polıtsııa ustady, dep habarlaıdy Deutsche Welle.
Tergeý bul oqıǵanyń ksenofobııalyq sebeppen jasalǵan bolýy múmkin degen nusqany qarastyryp jatyr.
Shabýyl jasaǵan 36 jastaǵy er adam, ol 20 maýsym kúni ustalǵan.
Oqıǵa 19 maýsym keshinde qalanyń batys bóligindegi Brýmhaýs meshitiniń janyndaǵy saıabaqta bolǵan. Budan keıin kúdikti janarmaı quıý stantsııasynda oıran salyp, kóliktiń terezelerin syndyrǵan jáne pıtstserııanyń esigin búldirgen.
Zardap shekkender jeńil jáne ortasha deńgeıdegi jaraqat alǵan. Olardyń arasynda eki 22 jastaǵy azamat, sondaı-aq 24, 27 jáne 39 jastaǵy adamdar bar.
Aldyn ala málimetter boıynsha tergeýshiler qylmystyń ksenofobııalyq negizde jasalǵan bolýy múmkin degen boljamdy tekserip jatyr. Іske terrorızmge qarsy bólimsheler de tartylǵanymen, shabýyldyń naqty sebebi ázirge anyqtalǵan joq.
Shotlandııanyń birinshi mınıstri Djon Sýınnı bolǵan oqıǵaǵa qatty alańdaýshylyq bildirip, elde «zorlyq-zombylyqqa, násilshildikke oryn joq» ekenin málimdedi.
Buǵan deıin Gambýrgte pyshaqpen qarýlanǵan áıel 12 adamdy jaraqattady.
