Edil Jańbyrshın Mańǵystaý oblysyndaǵy munaı kompanııasyn tekserýdi surady
«Mańǵystaý oblysyndaǵy «Qaraturyn» ken ornynda bıylǵy 9 maýsym kúni munaı uńǵysynda apat bolyp, 18 kún boıy munaı-gaz janyp, qorshaǵan orta zııandy zattarmen lastanyp jatyr. Áli kúnge sheıin apatqa jumyldyrylǵan mamandandyrylǵan «Aqberen» mekemesi alaýdy sóndire almaı jatyr. Kezinde bul mekeme jekeshelendirildi. Sonda onyń tıimdiligi, áleýeti, kásiptik deńgeıi tómen be, qaýqarsyz ba? Bıznes jaqsy jumys isteıdi degen qaǵıdat qaıda? Ekinshi másele - ken oryndy ıgerýshi «Bozashy-neft» kompanııasy. Bizde bar aqparat boıynsha bul kompanııa zańdy belshesinen basyp, ken ornynda tehnıkalyq qaýipsizdikti saqtamaı kelgen. Jumysshylardyń jalaqysy tómen, áleýmettik jaǵdaılary tıisti deńgede emes, arnaıy kıimder men qorǵaný jabdyqtary durys berilmeıdi, tehnıkalyq qaýipsizdik qyzmeti ken ornynda jumys istemeıdi. Ózderiniń quqyqtaryn zań júzinde talap etken jergilikti jumysshylardy jumystan shyǵaryp jiberip, basqa óńirden jumysqa adamdardy qabyldaǵan», - dedi E. Jańbyrshın Úkimetke jáne Bas prokýratýraǵa joldaǵan saýalynda.
Sonymen qatar depýtat atalǵan ken ornyndaǵy zańsyz áreketter jaıynda aıtty.
«Sonymen qatar, ınsaıderlik aqparat boıynsha kompanııa keıbir uńǵylardan zańdastyrmaı munaı shyǵaryp otyr. ıAǵnı 21 ǵasyrda «Bozashy-neft» kompanııasy jabaıy kapıtalızm ádisimen jumys istep otyr. Londonda turyp jatqan qojaıynyna tek qana paıda kerek. Memleket basshysynyń munaı-gaz salasyndaǵy kemshilikterdi retteýge, ekologııalyq jáne óndiristik qaýipsizdikti qatań saqtaýǵa qatysty tapsyrmalary nege oryndalmaıdy? Munaı kompanııasynyń jumysyn qadaǵalaıtyn jáne baqylaıtyn quzyrly organdar osy kúnge deıin aı qarap kelgen be? Jergilikti prokýratýra ne istep otyr? Mundaı jaǵdaı tek «Bozashy-neft» kompanııasynda oryn alyp otyrmaǵany anyq. ıAǵnı, elimizdiń munaı salasynda sheshilmegen júıeli problemalar bar», - dedi Edil Jańbyrshın.
Depýtat Qazaqstandaǵy jekemenshik munaı kompanııalarynda, ásirese «Bozashy-neft» kompanııasynda keshendi tekserý júrgizip, olardaǵy Eńbek Kodeksiniń talaptarynyń oryndalýy, óndiristik jáne ekologııalyq qaýipsizdik máseleleriniń zańnamaǵa sáıkestigin qaraýdy surady.
«Qaraturyndaǵy apattyń óńirdiń ekojúıesine tıgizgen zardaby tolyqtaı anyqtalsyn jáne «Bozashy-neft» kompanııasynan tólenetin ekologııalyq tólemder ken orny ornalasqan Mańǵystaý aýdanynyń tabıǵı ortasyn jaqsartýǵa jumsalsyn. «Bozashy-neft» kompanııasy «Qaraturyn» munaı ken ornynda zańsyz munaı shyǵaryp satqany anyqtalsa, kompanııamen jasalynǵan kelisimshart buzylyp, ken oryn memleket menshigine qaıtarylsyn. Bul kompanııany barlyq lıtsenzııasynan aıyrý kerek», - dedi depýtat.
Eske salsaq, 9 maýsym kúni «Bozashy Munaı» JShS «Ońtústik Qaraturyn» munaı-gaz ken ornynda 1088 metr tereńdikten burǵylaý quralynyń kóterilýi saldarynan órt tutanǵan edi.
