Edgard Zapashnyı Gınnestiń rekordtar kitabyna endi
ASTANA. 1 qarasha. QazAqparat - Tanymal haıýandar úıretýshi Edgard Zapashnyı shaýyp kele jatqan at ústindegi akrobattyq trıýgimen Gınnestiń rekordtar kitabyna endi, dep jazady BNews.kz portaly «Moskovskıı komsomolets» gazetine silteme jasap.
«At ústindegi akrobattar» trıýgin (eki at ústinde biriniń ústine biri mingen úsh adamnan qurylǵan baǵan) men bir jarym jyl daıyndadym. Osy nómirdi Gınnestiń rekordtar kitabyna engizý úshin biz qajetti qujattardyń bárin jiberip, eki aıdan keıin olardyń oń jaýaby men quttyqtaýlaryn aldyq. Jaqyn arada bizge sertıfıkat beriledi», - dep áńgimeledi Zapashnyı.
Onyń aıtýynsha, bul trıýktiń ereksheligi sol, onda aıaqty atqa baılap qoıý degen joq, ıaǵnı, ártistiń shaýyp kele jatqan eki attyń ústindegi aıaqtary esh jerge bekitilmeıdi. Onymen qoımaı Edgardtyń ıyǵyna jalpy salmaǵy 110 kılogramm bolatyn «Aǵaıyndy Zapashnyılar tsırkiniń» akrobatıka boıynsha sport sheberleri Aleksandra Blınkova men Krıstına Grıtsaenko kóteriledi.
«Gınnestiń rekordtar kitaby sarapshylarynyń talaby boıynsha, biz on metr júrip ótý kerek bolatynbyz, alaıda biz 20 metr júrip óttik», - dep eskertti Zapashnyı.
