Edgar Rınkevıch Latvııanyń prezıdenti bolyp saılandy
ASTANA. QazAqparat – Latvııanyń jańa prezıdenti bolyp eldiń qazirgi syrtqy ister mınıstri jáne latvııalyq saıasat ardageri Edgar Rınkevıch saılandy, dep habarlaıdy QazAqparat VVS aqparat agenttigine silteme jasap.
Latvııada prezıdentti parlament ashyq daýys berý arqyly saılaıdy: týrlar kandıdattardyń biri kem degende 51 daýys jınaǵanǵa deıin ótkiziledi.
Jańa memleket basshysy daýys berýdiń úshinshi týrynda 52 daýys jınady.
Rınkevıchtiń kandıdatýrasyn «Birlik» premerlik partııasy usyndy. Qarsylastary dástúrli emes jynystyq kózqarasyn Rınkevıchtiń betine basty.
90-shy jyldardyń basynda Edgar Rınkevıch Latvııa radıosynda jýrnalıst bolyp jumys istedi, sodan keıin 13 jyl Qorǵanys mınıstrliginde qyzmet atqaryp, memlekettik hatshy laýazymyna deıin kóterildi (Latvııa mınıstrlikterindegi joǵary bıýrokratııalyq laýazym).
Dál osy kezeńde ol NATO-ǵa kirý týraly kelissózge Latvııanyń atynan qatysty.
2008 jyly Rınkevıch Prezıdent keńsesin basqardy, al 2011 jyly eldiń syrtqy ister mınıstri bolyp taǵaıyndaldy.
Rınkevıchten basqa prezıdent saılaýyna taǵy eki úmitker qatysty. Bular - kásipker Ýldıs Pılens jáne zańger Elına Pınto.
Eldiń qazirgi prezıdenti Egıls Levıts saılaýǵa óz kandıdatýrasyn usynǵan joq.
