Eden jýýshy mıllıonǵa jýyq teńge urlap ketti
NUR-SULTAN. QazAqparat- Elordanyń krımınaldyq polıtsııa qyzmetkerleri jedel izdestirý is-sharasy barysynda urlyq jasaý kúdigine ilikken 35 jastaǵy qala turǵynyn ustady, dep habarlaıdy QazAqparat tilshisi.
Qalalyq polıtsııa departamentiniń málimetinshe, tergeý barysynda kúdikti áıeldiń TOO keńseleriniń birinde eden jýýshy bolyp jumys isteıtindigi anyqtaldy. Ol kezekshiligi barysynda ústeldiń astynda turǵan aqsha qarajatyn baıqaǵan. Bógde adamdardyń joq ekendigin baıqaǵan áıel 950 myń teńgeni urlap ketken.
«Atalǵan fakti boıynsha qylmystyq is qozǵaldy. Kúdikti kinásin moıyndap, túsinikteme berdi. Onyń elorda aýmaǵynda jasalǵan osyǵan uqsas qylmystarǵa qatysy tekserilip jatyr. Nur-Sultan qalalyq polıtsııa departamenti barynsha qyraǵy bolýǵa, beıtanys adamdarǵa senbeýge keńes beredi», - dedi departamentten.
