Eddı Hırn: Golovkın kelesi jyly Alvarespen aıqasýy yqtımal

ASTANA. QazAqparat - Tanymal promoýter Eddı Hırn Golovkın-Alvares úshinshi jekpe-jegin uıymdastyrýǵa úmitte ekenin aıtty, dep habarlaıdy QazAqparat boxingscene-qa silteme jasap.

Eddı Hırnniń aıtýynsha, Gennadıı Golovkın (38-1-1, 34 KO) DAZN strımıngtik qyzmetimen kelisimge kelse, Saýl Alvarespen (50-1-2, 34KO)  úshinshi aıqasqa shyǵa alady.

«Eger Golovkın úshinshi jekpe-jekti qalasa, onda DAZN-men kelisimshartqa otyrýy kerek. Jaqynda, Alvares bizben aldaǵy 11 kezdesýge kelisim jasasty. Golovkın jankúıerlerdiń qurmetine laıyq boksshy, ózi ekinshi jekpe-jekte jeńiske jettim dep sanaıdy. Meniń oıymsha, ol DAZN-men kelisim jasasyp, keler jyly naýryz-mamyr aıynda Alvarespen judyryqtasýy kerek. Sebebi, bul eki boksshy úshin óte mańyzdy, men onyń bolǵanyn qalaımyn»,- dedi Eddı Hırn.

Aıta keteıik, HBO telearnasymen kelisimsharty aıaqtalǵannan keıin Alvares DAZN strımıngtik qyzmetimen jalpy quny 365 mıllıon dollarǵa jetetin kelisim jasady. Al qazaqstandyq boksshyǵa Showtime jáne ESPN telearnalary qyzyǵýshylyq tanytyp otyr.