Eddı Hırn: Golovkın «Kanelomen» qyrkúıekte judyryqtasady

NUR-SULTAN. QazAqparat – Promoýter Eddı Hırn Gennadıı Golovkın men Saýl Alvarestiń úshinshi kezdesýi 2020 jyly ótetini belgili bolǵandyǵyn aıtty, dep habarlaıdy Sports.kz.

Hırnniń sózinshe, kezdesý qyrkúıekte ótedi. Trılogııa aldynda Golovkın naýryzda Kamıl Sheremetamen kezdesedi. Al «Kanelo» mamyrda Bıllı Djo Sonderspen nemese Kallým Smıtpen judyryqtasady.

«Golovkınmen baılanysty trılogııaǵa keletin bolsaq, bul jerde naqty strategııa bar, oǵan sáıkes, «Kanelomen» kezdesý qyrkúıekte ótedi. Men buǵan senimdimin. Bul kezdesýdi sizder 2020 jyly kóresizder. Golovkın Derevıanchenkomen judyryqtasty, endi ol rıngke naýryzda oralady, sosyn qyrkúıekte taǵy shyǵady. «Kanelo» bolsa, aldymen Sonderspen nemese Smıtpen shyǵady. Sodan soń baryp, qyrkúıekte Golovkınmen kezdesedi»,-dedi Hırn.