EDB Yqpaldastyqty zertteý ortalyǵy Ýkraınanyń Keden odaǵy men BEK-ke yqpaldastyǵynyń keleshegin zertteıdi
ALMATY. 6 qyrkúıek. QazAqparat /Erlik Erjanuly/ - Eýrazııa damý bankiniń Yqpaldastyqty zerteý ortalyǵy Ýkraınanyń EýrAzEQ aıasynda Keden odaǵy men Biryńǵaı ekonomıkalyq keńistik elderimen tereń ekonomıkalyq yqpaldastyǵynyń makroekonomıkalyq áserin zertteıtin boldy.
Bul týraly halyqaralyq qarjy ınstıtýtynyń baspasóz qyzmeti búgin habarlama taratty. Oǵan qaraǵanda, bul jumysty Yqpaldastyqty zertteý ortalyǵy Reseı ǵylym akademııasynyń Halyq sharýashylyǵyn boljaý ınstıtýty men Ýkraına ulttyq ǵylym akademııasynyń Ekonomıka jáne boljaý ınstıtýtymen birlesip júzege asyrmaq. Maqsat - Ýkraınanyń yqpaldastyq baılanystarynyń qazirgi jaı-kúıi men damý keleshegin anyqtaý. Yqpaldastyq úderisteriniń barynsha tıimdi pishinderi damý baǵyttaryn belgileý. Aldyn ala jasalǵan taldaýǵa qaraǵanda Ýkraınanyń Keden odaǵyna kirýiniń áleýetti ekonomıkalyq áseri ondaǵy elderdiń tólem balansyn jylyna 6-9 mıllıard dollarǵa ulǵaıtpaq.
