ETsQ kiltteriniń qoldanylý merzimi uzartyldy
Memlekettik qyzmetterdi alýshylar tirkeý kýálikteriniń (elektrondy tsıfrlyq qoltańba kiltteri) jeke kýálik, eToken PRO 72K, JaCarta, Kaztoken, Akey sııaqty qorǵalǵan tasymaldaǵyshtardaǵy negizgi aqparat 3 jylǵa deıin saqtalady.
Faıldyq júıege shyǵarylǵan ETsQ kiltteriniń jaramdylyq merzimi ózgermeıdi, ıaǵnı 1 jylǵa beriledi. Óıtkeni faıldyq júıe sertıfıkattalǵandar sanatyna jatpaıdy, ári jabyq kiltterdi uzaq ýaqyt qaýipsiz saqtaýǵa múmkindik bermeıdi.
«ETsQ kiltteriniń jaramdylyǵyn uzartý azamattardyń qolaılyǵy úshin júzege asyrylǵan shara. Eger de budan burynǵy ýaqytta memlekettik qyzmetterdi paıdalanýshylar kiltterdi «elektrondyq úkimettiń» portalyndaǵy jeke kabınet arqyly nemese "Azamattarǵa arnalǵan úkimet" memlekettik korporatsııasy" KE bólimshelerine jyl saıyn baryp merzimin uzartyp otyrǵan bolsa, endigi ýaqytta ETsQ-ny qaıta shyǵarý úshin úsh jylda bir ret atalǵan bólimshelerge baratyn bolady», - dep atap ótedi atalǵan kompanııa baspasóz qyzmetinen.
Esterińizge salsaq, ETsQ kiltteriniń merziminiń aıaqtalýyna 30, 15, 7 kún qalǵanda, paıdalanýshynyń elektrondy poshtasyna (eger de ETsQ kiltin alý barysynda ótinimde poshtasyn kórsetken bolsa) ETsQ kiltterin qaıta shyǵarý kerek ekendigi týraly habarlandyrý keledi.
