ECh irikteý týrnıri: Qazaqstan quramasy Ýels fýtbolshylaryn utty
ASTANA. QazAqparat - Túrkııanyń Antalııa qalasynda fýtboldan 19 jasqa deıingi jasóspirimder arasynda 2018 jylǵy Eýropa chempıonatynyń irikteý týrnırinde Qazaqstan quramasy Ýels fýtbolshylaryn 3:2 esebimen utty, dep habarlaıdy QazAqparat.
QR Fýtbol federatsııasynyń taratqan málimetine súıensek, 19 jasqa deıingi Qazaqstan jasóspirimder quramasy irikteý kezeńiniń sońǵy kezdesýin Ýels quramasymen ótkizip, 3:2 esebimen jeńiske jetken.
Oıyn Aleksandr Kýznetsov jattyqtyratyn Qazaqstan quramasy úshin sátsiz bastaldy. Kezdesýdiń nebári on birinshi mınýtynda Ýels fýtbolshylary esep ashty. Gol soqqan Djeıms Sprýs.
Aleksandr Kýznetsov birinshi taımda-aq alańǵa jańa eki fýtbolshyny shyǵardy. Shabýylshy Sultanbek Astanov pen jartylaı qorǵaýshy Jan-Álı Paırýz. Osy ózgeristen keıin bizdiń komanda úziliske deıin tarazy basyn teńestirdi. Mergendik tanytqan Májı Jaqypbaev.
Qazaqstan quramasy ekinshi taım bastalǵannan shabýyldy údete tústi. Nátıjesinde Ýels quramasynyń oıynshysy Djeıms Sprýs eki sary qaǵaz alyp, alańnan qýyldy.
Oıyn basymdyǵyn sátti paıdalaǵan Aleksandr Kýznetsov shákitteri qarsylastyń qaqpasyne eki gol soqty. Aldymen, Mádı Jaqypbaev dýbl avtory atandy. Úshinshi goldy Jan-Álı Paırýz soqty.
Ýels quramasy kezedsýdiń sońyna qaraı esep aıyrmasyn qysqartty. Tóreshi belgilegen penaltıdi Lıam Kallem qaqpaǵa darytty. Al Mádı Jaqypbaev qosymsha ýaqytta penaltıden múlt ketip, het-trık avtory atana almady. Qorytyndy esep - 3:2. Qazaqstan quramasynyń jeńisi.
Bizdiń toptaǵy ekinshi oıynda Slovakııa quramasy Túrkııadan 3:2 esebimen basym tústi. Eýropa Chempıonatynyń elıtalyq kezeńine Slovakııa men Túrkııa quramalary joldama aldy.
Qazaqstan U-19 - Ýels U-19 3:2 (1:1)
Goldar: Sprýs 11 (0:1), Jaqypbaev 45+2 (1:1), Jaqypbaev 69 (2:1), Paırýz 76 (3:1), Kallen - penaltı 82 (3:2)
Penaltıden múlt ketken: Jaqypbaev 90+5
Eskertý: Astanov 38, Skvortsov 43, Tursynbaı 60, Jaqypbaev 72, Oral 80 - Sprýs 15, Sess-Deıvıs 51, Levıtt 80, Pjıbek 90+5
Alańnan qýylǵan oıynshy: Sprýs 65
Qazaqstan U-19: Ýstımenko, Nurdalıev, Batyrhanov, Súıinov (Astanov 28), Oral, Kan (Sovet 68), Amanjolov, Skvortsov (Paırýz 45+1), Tursynbaı, Jaqypbaev, Saǵynaev
Ýels U-19: Pjıbek, Klark, Ýılıams (Mýnı 85), Kallen, Sprýs, Levıtt, Evans (Týraı 60), Sess-Deıvıs, Bodenem, Barroýs (Spens 76), Kýper
Bas tóreshi: Deıan ıAkımovskı (Makedonııa)
