ECh fınalynda Frantsııa jeńedi dep utysqa 200 myń rýbl tikken reseılik poıyz astyna sekirdi
ASTANA. QazAqparat - Ijevskte er adam poıyz astyna sekirdi. Buǵan Eýro-2016 oıynyndaǵy Frantsııanyń utylysy sebep bolǵan. Quqyq qorǵaý organdaryndaǵy aqparat kózi habarlaǵandaı, Fıdel N. match aldynda komanda jeńedi dep utysqa bar jıǵan aqshasyn - 200 myń rýbl tikken.
Eýro-2016 oıynynyń fınaly ótkennen keıingi kúni er adam poıyz astyna sekirdi. Mashınıst shuǵyl túrde poıyzdy toqtatty, degenmen oqıǵa qaıǵyly aıaqtaldy. 27 jastaǵy er adam jaqyndap kele jatqan poıyzdan nebári 50 metr jerde turǵan.
Anyqtalǵandaı, Fıdel N. dostaryna qarjydan qatty qysylyp júrgenin aıtqan. Aldyn ala boljam boıynsha er adam iri kólemdegi boryshyn óteý úshin utysqa bar aqshasyn tikken.
