Teńiz kenishinde tehnıkalyq jumystarǵa baılanysty munaı óndirý kólemi azaıdy
ASTANA. KAZINFORM – QR Energetıka mınıstrligi Teńiz kenishinde munaı óndirý kóleminiń nelikten qysqarǵandyǵy túsindirdi.
Kásiporynda munaı óndirý kólemi 28–30%-ǵa tómendep, táýligine 61–63 myń tonnany qurady.
«Ekinshi býyn zaýytynda (EBZ) 400-ornatylymdaǵy E-401A qazandyq-ýtılızatoryna jóndeý jumystaryn júrgizý úshin óndiris kólemi ishinara toqtatyldy. Qural-jabdyqty tekserý barysynda jergilikti korrozııaǵa ushyraǵan aqaýlar anyqtaldy»,-delingen habarlamada.
Jóndeý jumystarynyń aldyn ala aıaqtalý merzimi – bıylǵy 23 qarasha.
Azııa damý bankiniń (ADB) 2024 jylǵa deıingi Azııalyq damý boljamyna sáıkes, Teńiz ken ornyn keńeıtý jobasynyń 2025 jyly aıaqtalýy orta merzimdi perspektıvada Qazaqstan ekonomıkasynyń aıtarlyqtaı ósýine yqpal etýi tıis ekenin habarlaǵan bolatyn.
