Ebolanyń Eýropadaǵy alǵashqy qurbany ıspandyq din qyzmetshisi boldy
ASTANA. KAZINFORM - Ispanııadan mıssıoner Mıgel Pahares Madrıd aýrýhanasynda Ebola bezgeginen qaıtys boldy. 75 jasar din qyzmetkeri indetti Lıberııada juqtyrǵan, emdelý úshin eline jetkizilgen oǵan qajetti eksperımentaldyq dárini berilgen, alaıda shıpa qonbaı ol ómirmen qosh aıtysty, dep habarlady Bı-bı-sı.
Pahares Lıberııa astanasy Monrovııada Áýlıe Iosıf aýrýhanasynda katolık shirkeýinde aıasynda din taratý qyzmetimen aınalysqan.
9 tamyz, senbi kúni osy aýrýhanada jumys isteıtin kongolyq medbıke qaza tapty, al budan bir kún buryn medıtsına mekemesiniń basshysy Patrık Nshamdze kóz jumǵan bolatyn.
Jenevada arnaıy otyrysta sarapshylar áli qoldanylmaǵan ZMapp eksperımentaldyq preparatyn qoldanýdy maquldaǵan, bul dári ıspandyq din qyzmetshisine óler aldynda birneshe kún boıy berilip kelgen.
AQSh qarýly kúshteriniń qarjylyq qoldaýymen ZMapp preparaty AQSh Kanada zerthanalarynda sońǵy 10 jyl boıynda ázirlengen. Preparattyń tıimdiligi týraly senimdi aqparattar joq.
