Ebolany juqtyrǵan medbıke óz dıagnozy týraly ınternetten bilgen
ASTANA. QazAqparat - Ebola bezgegin juqtyrǵan ıspanııalyq medbıke óz dıagnozy týraly BAQ arqyly bilgen, dep El Pais málimetterine súıengen RIA Novostı habarlady.
Marııa Teresa Romero suhbatynda oǵan analızderiniń nátıjesiniń onyń Ebolany juqtyrǵany jaıly kórsetkenin eshkim habarlamaǵanyn aıtady. Onyń sózine qaraǵanda, ol bul týraly ınternetten oqyǵan.
«Men bólmede jalǵyz boldym, jáne maǵan eshkim nátıjesin aıtpady. Men uıaly telefon arqyly ınternet-BAQ-tan eki analızdiń de aýrýdy rastaǵanyn oqydym», - dedi ol.
Sonymen birge ol aýrýdy arnaıy kostıýmdi sheshken kezde juqtyrýy múmkin ekenin habarlady.
«Men formany sheshken kezde qate jibergen bolý kerekpin, biraq oǵan senimdi emespin», - dedi ol. Bul týraly ony emdeýshi dáriger de habarlady.
