Ebolaǵa qarsy vaktsınany alǵash synaqtan ótkizý 10 qarashada bastalady
ASTANA. QazAqparat - Ebola bezgeginiń VSV-ZEBOV gemorragııalyq vırýsyna qarsy kanadalyq vaktsınany adamdarǵa synaqtan ótkizý Jenevanyń ýnıversıtettik gospıtalinde bastalady.
Bul medıtsınalyq mekeme osy synaqqa Jeneva kantonynyń etıkasy boıynsha jáne Dúnıejúzilik densaýlyq saqtaý uıymy komıssııalyrynyń, sondaı-aq, dári-dármekterdi avtorlandyrý boıynsha shveıtsarııalyq Swissmedic agenttiginiń ruqsatyn alǵan bolatyn. Dúısenbi kúni alǵash ret bastalatyn bul synaqqa 115 erikti qatysady. Odan keıin olarǵa Germanııadaǵy 40, Gabondaǵy 60 jáne Kenııadaǵy 40 erikti qosylmaq. Vaktsınany testileýge 18 ben 60 jas aralyǵyndaǵy deni saý adamdar qatysady. Buǵan deıin Kanada Dúnıejúzilik densaýlyq saqtaý uıymynyń ókilettigine vezıkýlıarly stomatıttiń rekombınantty vırýsyna negizdelgen VSV-ZEBOV preparatynyń 800 dozasy bar Jenevadaǵy shtab-páterin usynǵan edi. Al ekinshi cAd3-ZEBOV shımpanze adenovırýsyna negizdelgen vaktsınany eriktilerge testileý ótken juma kúni Lozanna qalasynda bastalyp ketti. Osy synaqqa 121-den astam adam qatysty. Olardyń 100-i kádimgi dári-dármekterdi, al qalǵan 21-i - platsebo qabyldaıdy. DDSU vaktsınany adamdarǵa testileýdiń alǵashqy qorytyndylaryn jeltoqsan aıyna qaraı alýdy josparlap otyr. Dúnıejúzilik densaýlyq saqtaý uıymynyń (DDSU) málimetteri boıynsha 2 qarashaǵa Ebola vırýsyn juqtyrǵandar sany 13 042-ǵa, al odan kóz jumǵandardyń naqty sany 4 818-ge jetti. Alaıda, jergilikti turǵyndar juqtyrý jaǵdaılary jáne odan kóz jumý faktileri týraly árdaıym habarlamaıtyndyqtan, Ebolany juqtyrǵandar jáne odan dúnıe salǵandar sany odan da kóp bolýy múmkin dep habarlaıdy DDSU. Eboladan qaza tapqandar sany úsh batysafrıkalyq elderde: Gvıneıa, Lıberııa jáne Sera-Leonede tirkelgen. Buǵan deıin DDSU Nıgerııa jáne Senegalda Ebola bezgeginiń toqtaǵandyǵy týraly málimdegen edi. Sondaı-aq, uıym Lıberııada da Ebola bezgeginiń taralý qarqyny birtindep báseńdep bara jatqandyǵyn jarııalady, dep jazady 24.kz.
