Ebola vırýsyn juqtyrǵan kongolyqtardyń sany 63-ke jetti
ASTANA. QazAqparat - Kongo demokratııalyq respýblıkasynda Ebola vırýsy týǵyzǵan rastalǵan oqıǵalar sany 63-ke jetti, dep habarlaıdy QazAqparat TASS-qa silteme jasap.
Kongo demokratııalyq respýblıkasynyń densaýlyq saqtaý mınıstrligi vırýs týǵyzǵan 22 ólim jaǵdaıyn tirkedi.
«Jalpy oqıǵalar sany - 90, onyń 63-i rastaldy, taǵy 27 jaǵdaı anyqtalý ústinde» dep málim etti mınıstrlik. Onyń ishinde 22 adam qaterli dertten qaza taýyp, olardyń Ebola vırýsyn juqtyrǵany belgili boldy.
Qazirgi aýrý oshaǵynan vırýs taralýy - Kongodaǵy osymen onynshy jaǵdaı. Munyń aldynda jańa juqtyrý oqıǵalary «zaır shtammynan» paıda bolǵany anyqtalǵan edi. Bul vırýs ólimge aparyp soqtyrý kórsetkishi boıynsha erekshelenedi. 17 tamyzda medqyzmetkerler 500-den astam adamǵa ekpe jasady.
Ebola vırýsyn juqtyrǵan adamnyń ystyǵy kóterilip, qaltyrap-dirildeı bastaıdy, júregi aınyp, loqsıdy. Qan ketedi. Vırýs oshaǵynan aýrý taraǵan kezde qazaǵa ushyraý kórsetkishi 25-90 paıyz aralyǵynda bolady.
