Ebola sózi Google jelisinen izdeý kezinde ekinshi orynda tur
ASTANA. QazAqparat - Dúnıejúzilik densaýlyq saqtaý uıymy qaýipti bezgekti eń kúrdeli, keń taraǵan jáne asa qaýipti vırýs dep atady,www.khabar.kz.
Osy jyldyń basynda bastalǵan qaterli indet birneshe aı boıy kúlli álemniń nazarynda. Búginge deıin qaza tapqandar sany 7600-den asty. Al indetke shaldyqqandar 20 myńǵa jýyq. Bul -Dúnıejúzilik densaýlyq saqtaý uıymynyń sońǵy málimetteri. Ajal qushqandar arasynda júzdegen medıtsına qyzmetkerleri men BUU-nyń mamandary da bar. Al dert sharpyǵan birqatar elde onymen kúres kóńil kónshitpeıdi. Jalpy vırýstyń jedel jaıylýyna Ebola keńinen taraǵan elderdegi áleýmettik múshkil jaǵdaı sebep. Osyǵan qaramastan, halyqaralyq uıym qyzmetkerleri men jergilikti mamandar qaýipti indetpen kúresti jalǵastyrýda.
Atalǵan vırýstan, ásirese, Lıberııa halqy qatty zardap shegip otyr. Aýrýdan kóz jumǵandardyń deni - osy eldiń turǵyndary. Aıta keteıik, vırýsqa qarsy jaqynda ǵana jasalǵan brıtandyq ekpe AQSh-ta synaqtyń birinshi kezeńinen sátti ótti.
«Іndetti túbegeıli jeńgenshe, biz sizdermen birge bolamyz. Biz Batys Afrıka elderindegi densaýlyq saqtaý júıesin kúsheıtý týraly oılanýymyz kerek. Myqty júıe bolǵanda ǵana juqpaly vırýsty aýrýlarǵa qarsy turýǵa bolady», - dedi. BUU bas hatshysy: Pan Gı Mýn.
Serra-Leone bıligi Rojdesto men Jańa jyldy toılaýǵa tyıym saldy. Mereke kúnderi bul tyıymnyń oryndalǵanyn áskerıler arnaıy baqylaıtyn bolady.
