Ebola: shetelge shyqqanda neni eskerý qajet
ASTANA. KAZINFORM — Dúnıejúzilik densaýlyq saqtaý uıymy Kongo Demokratııalyq Respýblıkasynda jáne Ýgandada tirkelgen Ebola qyzbasynyń órshýine baılanysty halyqaralyq mańyzy bar tótenshe jaǵdaı jarııalady.
Aýrýdyń taralýyna Ebola vırýsynyń sırek túri — Bundibugyo shtammy sebep bolyp otyr. Qazirgi tańda bul shtammǵa qarsy arnaıy vaktsına da, naqty emi de joq.
Ebola vırýsy juqtyrǵan adammen nemese janýarlarmen tyǵyz baılanys kezinde, olardyń bıologııalyq suıyqtyqtary arqyly beriledi.
Sondyqtan jeke bas gıgıenasyn saqtaý, sapar kezinde saqtyq sharalaryn ustaný jáne der kezinde medıtsınalyq kómekke júginý asa mańyzdy. Saparǵa shyǵar aldynda baratyn eldegi epıdemıologııalyq jaǵdaımen aldyn ala tanysyp alǵan jón.
Shetelden oralǵannan keıin densaýlyq jaǵdaıyn baqylaýda ustaý qajet. Eger qandaı da bir belgiler paıda bolsa, dereý dárigerge qaralyp, sapar faktisin mindetti túrde habarlaý kerek. Óz betinshe emdelýge bolmaıdy.
Shetelge shyǵar aldynda saqtalýy tıis negizgi aldyn alý sharalary kartochkalarda berilgen.
Aıta ketelik Ýganda bıligi Ebola bezgeginiń taralýyn boldyrmaý úshin 100-den astam adamdy karantınge japty.
