Ebola indeti órshidi: Ýgandada 100-den astam adam karantınge jabyldy
ASTANA. KAZINFORM — Ýganda bıligi Ebola bezgeginiń taralýyn boldyrmaý úshin 100-den astam adamdy karantınge japty, dep habarlaıdy Report.
Oqshaýlanǵan adamdar turaqty medıtsınalyq baqylaýda bolyp, ınfektsııanyń sımptomdary únemi tekserilip otyrady.
Bılik jaǵdaıdyń baqylaýda ekenin aıtyp, eldiń buǵan deıingi tájirıbesi qazirgi qaterge tıimdi áreket etýge kómektesetinin atap ótti. Aǵymdaǵy órshý epıtsentri Demokratııalyq Kongo Respýblıkasynyń shyǵysynda, Ýgandamen shekaralas Itýrı provıntsııasynda tirkelgen.
Buǵan deıin Dúnıejúzilik densaýlyq saqtaý uıymy Kongo Demokratııalyq Respýblıkasy men Ýgandadaǵy Ebola indetiniń órshýine baılanysty halyqaralyq deńgeıdegi tótenshe jaǵdaı jarııalaǵan bolatyn.
Jergilikti qyzmetterdiń derekteri boıynsha Kongoda 500-den astam yqtımal ınfektsııa jaǵdaıy tirkelip, elde 130-dan astam qaıtys bolǵan. Al Ýgandada bir rastalǵan jaǵdaı jáne bir ólim faktisi bar.
Aıta keteıik, osyǵan deıin DDU Kongodaǵy Ebola indeti vırýstyń jańa shtamymen baılanysty bolýy múmkin ekenin aıtqan.
