Ebola indetine qarsy vaktsına áseri 100 paıyz oń nátıje berdi
ASTANA. QazAqparat - Adamzat balasy úshin asa qaýipti Ebola indetine qarsy synaqtan ótken vaktsınanyń nátıjesi 100 paıyz sátti shyqty. Bul týraly Dúnıejúzilik densaýlyq saqtaý uıymy málimdedi, dep jazady «Habar 24».
Ekpe aýrý óte kóp taraǵan úsh eldiń biri sanalatyn Gvıneıanyń 6 myńǵa jýyq turǵynyna salynǵan. Synaq qorytyndysy boıynsha, olardyń birde-birinen indet belgileri tabylmady. Al ekpe salynbaǵandardyń arasynan 23 adam vırýsty juqtyrǵany belgili boldy.
Ebola indetine qarsy vaktsınany Kanadanyń densaýlyq saqtaý mınıstrligi oılap tapqan.
Aıta ketken jón, Ebola indetin juqtyrǵandar ásirese Batys Afrıka elderinde jıi kezdesedi. 2013 pen 2016 jaldar aralyǵynda osy dert kesirinen 11 myńnan astam adam qaza tapty.
