Ebola indetine baılanysty Qazaqstannyń barlyq áýejaılarynda sanıtarlyq baqylaý júrgizilýde
ASTANA. QazAqparat - Álemde Ebola indetiniń taralýyna baılanysty shetelden kelip jatqan azamattarǵa qatysty sanıtarlyq-karantındik baqylaý Qazaqstannyń barlyq áýejaılarynda júrgizilýde. Bul týraly «QazAqparat» HAA-nyń resmı saýalyna Ulttyq ekonomıka mınıstrligi jaýap bere otyra habarlady.
«Respýblıkanyń barlyq áýejaılarynda halyqaralyq reıster jasalady. Osyǵan baılanysty shetelden kelip jatqan azamattarǵa qatysty sanıtarlyq-karantındik baqylaý júrgizilip jatyr», - delingen mınıstrlik málimetinde.
Atap aıtqanda Ebola dertiniń negizgi belgilerin (dene qyzýyn) anyqtaý úshin áýejaı ǵımarattarynda arnaıy qurylǵylar arqyly kelip jatqan jolaýshylardyń qyzýyn ólsheý sharalary júrgizilýde.
Belgili bolǵandaı, jyl basynan beri memlekettik shekara arqyly ótkizý beketterinde 1,7 mln. adam (jolaýshylar, ekspaj músheleri) tekserilgen. Olardyń arasynan ınfektsııalyq aýrýlardyń belgileri anyqtalmady.
«Ulttyq ekonomıka mınıstrligi Tutynýshylar quqyǵyn qorǵaý komıteti QR Syrtqy ister mınıstrligimen birlese Batys Afrıka elderine barýǵa vıza alǵan azamattarǵa monıtorıng júrgizýde», - dedi mınıstrliktegiler.
Aıta keteıik, Afrıkanyń batysynda, ıaǵnı Gvıneıada, Lıberııada, Serra-Leone men Nıgerııada bıyl Eboladan kem degende 2,1 myń adam kóz jumdy.
