Ebola indeti Senegal eline de jetti
ASTANA. QazAqparat - Afrıka elderine jappaı jaıyla bastaǵan Ebola indeti qurlyqtyń batysyndaǵy Senegal eline de jetti.
Dúnıejúzilik densaýlyq saqtaý uıymy juqpaly derttiń bul elge enýine 21 jastaǵy gvıneıalyq azamattyń sebepker bolǵanyn málimdedi. Bul jigit Senegalǵa Gvıneıadan 20 tamyzda kólikpen kelipti. Ol 3 kúnnen keıin Ebola bezgeginiń belgisimen aýrýhanaǵa jatqyzylǵan. Artynsha dárigerler onyń aıyqpas dertke shaldyqqanyn rastady.
Senegaldyń bılik ókilderi Dúnıejúzilik densaýlyq saqtaý uıymynan indetke baılanysty kómek berýdi surap otyr. Sońǵy aqparatqa sáıkes, Batys Afrıka elderinde osy dertten 1552 adam kóz jumǵan, dep jazady 24.kz.
