Ebola indeti saldarynan Batys Afrıkada 22 myń bala jetim qalǵan
ASTANA. QazAqparat - Gvıneıa, Lıberııa men Serra-Leone elderinde ebola indetiniń saldarynan 22 myńnan astam bala jetim qaldy. Bul týraly TASS aqparat agenttigine silteme jasaǵan egemen.kz habarlady.
«Gvıneıa, Lıberııa, Serra-Leone memleketterinde shamamen 22 myńnan astam búldirshin ata-analarynyń birinen nemese ekeýinen de aıyrylǵan. Sábı kúninen orny tolmas qazany kórip, jan-dúnıesine qatty zaqym keldi. Myńdaǵan balalar úshin bul aýrýǵa degen qorqynysh jaqyn arada basylmaıdy. Olarǵa qoldaý kórsete bileıik», - deıdi Birikken Ulttar Uıymy Balalar Qorynyń (ıÝNISEF) Gvıneıadaǵy ókili Muhammed Ag Aıoıı.
ıÝNISEF-tiń málimdeýinshe, bir ǵana Gvıneıada 6200-den astam náreste ata-anasynan aıyrylǵan. Sondaı-aq, kámeletke tolmaǵan 519 bala aýyr indetten kóz jumdy. Al qaýipti aýrýdan emdelgender sany bul kórsetkishten eki ese az. Búginge deıin 230 bala tolyqtaı jazylǵan.
Búkilálemdik densaýlyq saqtaý uıymy Gvıneıa Respýblıkasynda ebola aýrýynyń joıylǵandyǵyn málimdedi. Sońǵy naýqastyń emdelip shyqqanyna 42 kún boldy. ıAǵnı, alǵashqy esepteý merzimi aıaqtaldy. Endigi kezekte indettiń el ishindegi joıylǵandyǵyn tereńinen anyqtaý úshin 90 kúndik merzim jarııalandy.
Búginge deıin álem boıynsha ebola vırýsyn juqtyrǵan 28 600 adamnyń 11 300-i qaıtys bolǵan.
