Ebola indeti kesirinen Lıberııa astanasyndaǵy krematorıı máıitke toldy - BAQ
ASTANA. QazAqparat - Lıberııa astanasy Monrovıde Ebola indetinen qaıtys bolǵandardyń múrdesin órteý krematorıı qyzmetkerleri úshin óte qıynǵa soǵyp tur. Onda kúnine indetten qaıtys bolǵan 10 qala turǵynynyń denesi jaǵylady, dep habarlady ITAR-TASS France Presseke silteme jasaı otyryp.
Batys Afrıka elderiniń ishinde ásirese, Lıberııa halqy Ebola indetinen kóp zardap shegip otyr. Búgingi kúnde 972 adamǵa bul aýrý juǵyp, onyń 576-sy qaıtys boldy.
«Krematorıı qyzmetkerleri qaıtys bolǵandardyń denesin aýrýhanalarǵa qaıtadan qaıtaryp berýge májbúr. Sebebi, olar kúnde sonsha adamnyń denesin órteı almaıdy», - dedi Lıberııa Qaıyrymdylyq bólimi bas hatshysy Faıah Tamba.
Sonymen qatar, ol bul máseleni sheshýge jáne eldegi ahýal odan saıyn kúrdelenip ketpesi úshin halyqaralyq uıymdardan kómek surady.
