Ebola indeti bar bolýy múmkin degen jolaýshy úshin Praga vokzalynyń jartysy jabyldy
ASTANA. QazAqparat - Chehııa astanasy Praga qalasynyń jedel polıtsııa qyzmeti Ganadan kelgen bir jolaýshy Ebola bezgegin juqtyrǵan bolýy múmkin degen kúdikpen ortalyq vokzaldyń jartysyn japty, dep habarlady ITAR-TASS.
«Vokzalda Ganadan kelgen bir adamnyń bar ekeni jáne onyń aýyryp turǵany týraly habar jetisimen, biz birden kiristik. Oqıǵa ornyna qutqarýshylar jiberildi. Eldiń bas sanıtary da máseleni baqylaýyna aldy», - dedi astanalyq polıtsııa ókili Andrea Zoýlova.
Buǵan deıin Nıgerııada bolǵan, Chehııada kýrortty Karlovy Vary qalasynda demalyp jatqan taǵy bir adam senbi kúni juqpaly aýrýlar aýrýhanasyna tústi. Onyń dıagnozy áli anyqtalǵan joq.
