Ebola bezgeginen 887 adam qaza tapty, taǵy 1603 adam juqtyrǵan
ASTANA. QazAqparat - Batys Afrıkada Ebola bezgeginen ajal qushqandar sany 887 adamǵa jetti, taǵy 1603 adam osy aýrýdy juqtyrǵan. Bul týraly DDSU-nyń 4 tamyz kúni taratqan habarlamasynda aıtylǵan, dep jazady ITAR-TASS.
BUU densaýlyq saqtaý salasyndaǵy agenttiginiń málimetinshe, tek 31 shilde men 1 tamyz aralyǵynda Gvıneıa, Lıberııa, Serra-Leon men Nıgerııada 61 adam osy aýrýdan qaza tapqan, 163 adam juqtyrǵan.
Osy jyldyń aqpan aıynda gvıneıadan bastaý alǵan aýrý oshaǵy kórshiles Serra-Leon men Lıberııaǵa taraǵan.
Shilde aıynyń sońynda bezgekten Nıgerııaǵa Lıberııadan ushyp kelgen azamat qaıtys bolǵan. Aıta keteıik, Ebola vırýsy adamnan adamǵa tumaý tárizdi aýa arqyly emes, qan arqyly nemese ınfektsııa juqtyrǵan aǵzanyń basqa da bólindileri arqyly juǵady.
