Ebola bezgegine baılanysty Dýshanbe áýejaıynda adamnyń ystyǵy ólshenedi

ASTANA. QazAqparat - Tájikstan astanasy Dýshanbeniń halyqaralyq áýejaıynda Ebola bezgeginen saqtaný maqsatynda qatań baqylaý, tekserý is-sharalary qolǵa alyndy, dep habarlady Avesta.Tj agenttigi áýejaıdyń baspasóz qyzmetine silteme jasaı otyryp.

Dýshanbe halyqaralyq áýejaıynyń baspasóz hatshysy Mahmadıýsýf Shodıevtiń aıtýynsha, qolǵa alynǵan is-shara barysynda indet taraǵan aımaqtarǵa qatynaǵan barlyq jolaýshylar tekserýden ótetetin bolady.

«Kúdikti jolaýshylar áýejaıda birneshe suraqtarǵa jaýap beredi, sonymen qatar onyń ystyǵy ólshenedi. Eger bezgek juqtyrǵany anyqtalsa, jolaýshy dárigerlerge jiberiledi jáne qosymsha sharalar qabyldanady», - dedi M.Shodıev.