Ebola bezgegin banan arqyly juqtyrý múmkin emes - Ulttyq ekonomıka mınıstrligi
ASTANA. QazAqparat - QR Ulttyq ekonomıka mınıstrliginiń Tutynýshylardyń quqyǵyn qorǵaý boıynsha komıteti qazaqstandyqtardyń uıaly telefondaryna Ebola vırýsy juqqan banandar týraly habarlamalar kelýine baılanysty túsinikteme berdi. Vedomstvoda Ebola bezgegin banan arqyly juqtyrý múmkin emes dep atap ótti.
«Ebola bezgegi Batys Afrıkada adamǵa janýarlardan juǵý arqyly taralǵan, odan keıin ol adamnan basqalaryna taraǵan», - dep atap ótti adam quqyǵyn qorǵaý boıynsha komıtetinen.
Habarlamada ınfektsııanyń tikeleı qarym-qatynas jasaý arqyly, bıologııalyq suıyqtyqtar arqyly juǵatyny kórsetilgen.
Sonymen birge ınfektsııa naýqaspen tikeleı baılanyssyz-aq, onyń ınfektsııa juqqan medıtsınalyq quraldary arqyly, kúndelikti turmystaǵy zattary arqyly juǵýy múmkin.
«Ebola bezgegi aýa jáne tamaqtaný jolymen juqpaıdy. Sondyqtan da Ebola bezgeginiń banan nemese qandaı da bir basqa jemis jáne kókónister arqyly juǵýy múmkin emes», - dep túsindirdi vedomstvoda.
