Ebola bezgegimen kúres jarty jyldy alady
ASTANA. QazAqparat - Mamandarǵa Batys Afrıkadaǵy Ebola bezgeginiń taraýyn baqylaýǵa alý úshin kem degende jarty jyl kerek, dep habarlady «Vrachı bez granıts» (MSF) halyqaralyq uıymynyń prezıdenti Djoanna Lıýdiń sózine súıengen Reuters. Mundaı málimdemeni Lıý Jenevadaǵy brıfıngte jasady.
MSF prezıdentiniń sózine qaraǵanda, qalyptasqan jaǵdaı «áskerdegi ýaqytqa» uqsaıdy jáne dúnıejúzilik densaýlyq saqtaý uıymynyń zor kúshin qajet etedi.
Djoanna Lıýdiń aıtýynsha, jalpy Batys Afrıka aımaǵyndaǵy jaǵdaı Lıberııadaǵy vırýsqa qarsy kúres júrgizilmeıinshe turaqtalmaıdy.
«Aldaǵy alty aıdyń ishinde biz epıdemııamen kúresti qolǵa alýymyz kerek», - dedi ol. Sonymen birge , Lıberııaǵa mamandardy kóbirek jiberý kerektigin de qosty.
Osyǵan deıin habarlanǵandaı, Batys Afrıkada Ebolany juqtyryp, odan tirkelgen ólimder jaǵdaıy aıtarlyqtaı azaıýy múmkin.
