Ebola bezgegi AQSh-qa jetti
ASTANA. QazAqparat - AQSh-ta Ebola bezgegi juqtyrylýynyń alǵashqy oqıǵasy tirkeldi, dep habarlady Lenta.ru Associated Press agenttigine silteme jasap. Organızmine qaýipti vırýs kirgen dáriger Kent Brentlı Lıberııadan Djordjııa shtatynyń áskerı bazasyna keldi.
Odan aq tústi qorǵanysh kostıýmin kıgen dáriger Atlantadaǵy Emorı zertteý Ýnıversıtetiniń aýrýhanasyna tústi. Afrıkada osy qaýipti indetti juqtyrǵan ekinshi patsıent Nensı Raıtbol da osy aýrýhanaǵa emdelýge eki kúnniń ishinde kelmek.
AQSh bıligi osy indetti juqtyrǵan aýrýlar basqa azamattarǵa qaýip týdyrmaıtynyna senimdi, óıtkeni olar oqshaýlaý bólmesine jatqyzyldy. Juqpaly aýrýlar boıynsha maman - dáriger Djeıa Varkıdiń aıtýynsha, klınıkadaǵy jabdyqtar Ebola bezgeginen de aýyr syrqattardy emdeýge múmkindik beredi.
Dúnıejúzilik densaýlyq saqtaý uıymynyń aqparaty boıynsha, Batys Afrıkadaǵy vırýs qurbandary aqpan aıynan beri 672 adamǵa jetken. 200-ge tarta adam osy indetti juqtyrǵan Lıberııanyń bıligi shildeniń sońynda Ebola bezgeginiń taralý qaýpin azaıtý úshin mektepterdi jabýǵa sheshim qabyldady. Sondaı-aq osy elde fýtbolmen baılanysty barlyq sharalarǵa ýaqytsha tyıym salyndy, kóptegen shekaralyq ótkelder jabylǵan. Bul aýrý alǵash ret 1976 jyly Zaırde Ebola ózeniniń jaǵasynda tirkelgen, vıýrstyń ataýy da sondyqtan osylaı atalady. Onda 300-den astam adam bezgektiń qurbany bolǵan edi.
