Ebola belgilerin 15 mınýtta anyqtaıtyn qural oılap tabyldy
ASTANA. QazAqparat - Aǵzada Ebola vırýsynyń bar-joǵyn lezde anyqtaıtyn qural oılap tabyldy, dep jazady 24.kz.
Ony shyǵarǵan - «Laıf Saıens Dıvıjn» kompanııasynyń mamandary. Olardyń aıtýynsha, qural qaýipti dertti qan men neseptiń quramyndaǵy belgiler arqyly 15 mınýtta tanyp bile alady.
Atom energetıkasy jónindegi komıssııanyń ókili «Izıskrın» atty saraptamalyq quraldy tekserip, oń baǵasyn beripti. Onyń taǵy bir ereksheligi - quraldyń kez kelgen jerde arnaıy qondyrǵysyz jumys isteı bere alady.
Ǵalymdar endi onyń klınıkalyq zertteýlerde keńinen qoldanýǵa bolatyn úlgisin jasap shyǵarmaq.
- Biz qazir óndiristik jobany daıyndap jatyrmyz. Taıaý arada alǵashqy úlgilerin klınıkalyq tekserýden ótkizemiz. Eger synaqtan súrinbeı ótse, 2015 jyldyń basynda-aq bir partııasyn iri kólemde shyǵarmaq oıymyz bar, deıdi zerthana dırektory Loren Bellendjer.
Dál osyndaı jedel testterdi oılap tabý úshin álemdegi ózge elderdiń ǵalymdary da baryn salyp baǵýda. Máselen, ótken aıda japondyq mamandar Ebolanyń belgilerin 30 mınýtta anyqtaıtyn glıýkometrdi oılap tapqan bolatyn.
