EAÚK aıasynda veterınarııalyq baqylaýdy tsıfrlyq formatqa aýystyrý usynyldy
ASTANA. KAZINFORM – Premer-mınıstr Oljas Bektenov Eýrazııalyq úkimetaralyq keńestiń keńeıtilgen otyrysynda Veterınarııalyq jáne fıtosanıtarııalyq baqylaýdy tsıfrlyq formatqa aýystyrýdyń mańyzdy ekenin atyp ótti, dep habarlaıdy Úkimettiń baspasóz qyzmeti.
- Veterınarııalyq jáne fıtosanıtarııalyq baqylaýdan ótýdi rastaý protsesin tolyǵymen elektrondyq formatqa kóshirý mańyzdy-, — dep atap ótti Oljas Bektenov.
Osyǵan baılanysty EEK-ke Odaqqa múshe memlekettermen birlesip, qaǵaz qujattarǵa mindetti túrde mórtaban qoıýdan bas tartýdy jáne úshinshi eldermen aqparattyq ózara is-qımyl tetikterin ázirleýdi qosa alǵanda, osy máseleni jan-jaqty pysyqtaý usynyldy. Kooperatsııalyq jobalardy qoldaý ınnovatsııalarǵa jáne qosylǵan quny joǵary óndiristerdi qurýǵa baǵyttalýy tıis – Qazaqstan Premer-mınıstri.
Oljas Bektenov EAEO-ǵa múshe memleketter ekonomıkalarynyń turaqty damýynyń negizgi faktorlarynyń biri ónerkásip pen agroónerkásiptik keshen bolyp qalatynyn atap ótti.
Kooperatsııalyq jobalardy qoldaý tetikteri ınnovatsııalyq bastamalarǵa jáne qosylǵan quny joǵary óndiristerdi qurýǵa baǵdarlanýy tıis. Osyǵan baılanysty demonstratsııalyq ortalyqtar, startaptar jáne salalyq quzyrettilik ortalyqtary arqyly tsıfrlyq sheshimder men jasandy ıntellektini paıdalanýdy yntalandyrý mańyzdy.
- Taýarlar, qyzmetter, kapıtal jáne eńbek kúshiniń erkin qozǵalysy EAEO jumysynyń basty qaǵıdaty bolyp qalýy tıis. Qoldanystaǵy shekteýlerdi birtindep joıý qajet, óıtkeni olar senimdilikti jáne ıntegratsııalyq tıimdilikti tómendetedi, sonymen qatar jańa shekteýlerdiń paıda bolýyna jol bermeý kerek. Komıssııa mindettemelerdiń oryndalýyna monıtorıng júrgizýde belsendi ról atqaryp, múshe memleketterdiń bıznesi men azamattarynyń múddesin qorǵaýda týyndaıtyn máselelerge jedel áreket etýi tıis. Jalpy alǵanda saýda salasynda básekelestik ortanyń qalyptasqany mańyzdy ekenin atap ótkim keledi. Ol kez kelgen ıntegratsııalyq birlestikterdiń dáneker býyny bolyp qala beredi, — dep atap ótti Oljas Bektenov.
EAEO aıasyndaǵy syrtqy saýda saıasaty múshe memleketterdiń taýarlaryn eksporttaý úshin qosymsha múmkindikter beredi. Arab álemi, Ońtústik-Shyǵys Azııa jáne Afrıka elderi, sondaı-aq bedeldi óńirlik birlestiktermen ózara is-qımyl perspektıvaly baǵyttar dep ataldy.
- Mundaı yntymaqtastyq EAEO taýarlary men qyzmetteriniń syrtqy naryqtarǵa shyǵýy úshin qolaıly jaǵdaılar jasaıdy, ekonomıkany nyǵaıtýǵa jáne halyqaralyq óndiristik tizbekterdi damytýǵa yqpal etedi, — dep atap ótti Oljas Bektenov.
Osyǵan deıin Oljas Bektenov EAEO-daǵy júk aǵyndaryn úılestirýdiń ıntegratsııalanǵan platformasyn qurýdy usynǵan bolatyn.
