East Wings kompanııasynyń An-28 ushaqtarynyń ushýy toqtatyldy
ASTANA. QazAqparat - Qazaqstan Respýblıkasy Investıtsııalar jáne damý mınıstrliginiń Azamattyq avıatsııa komıteti East Wings kompanııasynyń An-28 ushaqtarynyń ushýyn toqtatty. Bul týraly atalǵan mınıstrliktiń baspasóz qyzmeti habarlady.
«Qazaqstan Respýblıkasy Investıtsııalar jáne damý mınıstrliginiń Azamattyq avıatsııa komıteti 2017 jylǵy 3 qazanda adam ólimine soqtyrǵan regıstratsııalyq nómiri UP-2807 bolǵan AN-28 ushaǵynyń apatqa ushyraýyna baılanysty «East Wings» AQ kompanııasynyń barlyq AN-28 ushaqtarynyń ushyrylýyn ushaq apatyn tergeý komıssııasy aldyn ala jumystaryn aıaqtaǵanǵa jáne bul oqıǵanyń sebebin anyqtaǵanǵa deıin toqtatady» delingen habarlamada.
Eske sala keteıik, 3 qazanda Almaty oblysy Іle aýdanynda sanıtarlyq avıatsııanyń AN-28 ushaǵy apatqa ushyrap, 5 adam qaza tapqan bolatyn. Dárigerler Almatydan Shymkentke jańa bosanǵan áıelge kómek kórsetýge bara jatqan. Keıinirek ol áıel de aýrýhanada kóz jumdy.
