EAEO jalpy ishki ónimi 10 jylda 2,5 trıllıon dollardan asty

ASTANA.KAZINFORM — Eýrazııalyq ekonomıkalyq odaq qurylǵannan beri JІÓ 18 paıyzǵa ósip, 2,5 trıllıon dollardan asty. Bul týraly Cholpon-Atada Eýrazııalyq úkimetaralyq keńestiń keńeıtilgen quramdaǵy kezekti otyrysynda sóz sóılegen Qyrǵyz Respýblıkasy Mınıstrler Kabınetiniń Tóraǵasy — Prezıdent Ákimshiliginiń basshysy Adylbek Qasymalıev málim etti, dep habarlaıdy Kazinform tilshisi.

Qyrǵyzstan úkimetiniń basshysy ónerkásip óndirisi 30 paıyzǵa óskenin, aýyl sharýashylyǵy ónimderiniń ósimi 25 paıyzdy quraǵanyn, Odaqtaǵy ózara saýda 2 eseden artyq óskenin atap ótti.

— Qyrǵyz Respýblıkasynyń JІÓ naqty mánde 1,5 esege, jan basyna shaqqandaǵy JІÓ eki esege ósti. Osy ýaqyt ishinde biz EAEO elderimen ózara saýda kólemin eki esege arttyrdyq. Elde ónerkásip óndirisi 55 paıyzǵa, aýyl sharýashylyǵy óniminiń kólemi 23 paıyzǵa ósti, dedi ol.

Ádilbek Qasymalıevtiń aıtýynsha, turaqty ekonomıkalyq ósý kórsetkishteri EAEO elderindegi tekserilgen jáne durys júrgizilgen memlekettik ekonomıkalyq jáne aqsha-nesıe saıasatynyń nátıjesi ǵana emes, sonymen qatar ekonomıkanyń barlyq salalaryndaǵy serpindi damyp kele jatqan saýda-ekonomıkalyq jáne kooperatıvtik yntymaqtastyq bolyp sanalady.

— EAEO organdary deńgeıinde der kezinde qabyldanǵan sharalar qosymsha oń nátıje berdi. Ónerkásiptik kooperatsııa, kedendik-tarıftik jáne tehnıkalyq retteý, salalyq kooperatsııa jáne Odaqtyń damýyna áser etetin basqa da salalarda birqatar sheshimder daıyndalyp, qabyldandy, — dep atap ótti Qyrǵyz Respýblıkasy Mınıstrler Kabınetiniń basshysy.

Buǵan deıin habarlanǵandaı, Qazaqstandyq brokerler endi EAEO bırjasyna qatysatyn bolady.