EAEO úkimet basshylarynyń kelesi otyrysy Erevanda ótedi
"Keńestiń kelesi otyrysy 30 qazanda Erevanda ótedi", - dep atap ótti Qyrǵyz Respýblıkasynyń Premer-Mınıstri Sooronbaı Jeenbekov Astanada ótken Eýrazııalyq úkimetaralyq keńestiń otyrysyn qorytyndylaý kezinde.
Óz kezeginde Reseı Premer-Mınıstri Dmıtrıı Medvedev RF Úkimetinde tyǵyz jumys kestesine baılanysty kezekti otyrysty basqa merzimge aýystyrýdy surady.
"Bizdiń tarapymyzdan bir túzetý bar. Osyǵan deıin shaǵyn quramda talqylaý kezinde basqa datany ýaǵdalasqan edik. Reseılik taraptyń jasaıtyn saparlary boıynsha jumys kestesi óte tyǵyz ekenin eskere otyryp, ony áriptesterime aıtqan bolatynmyn. Sondyqtan da buǵan deıin 24-25 qazan usynylǵan edi jáne osy merzimdi qaıta qarastyrýdy ótinemin", - dedi D. Medvedev.
Osyndan keıin otyrysqa qatysýshy úkimet basshylary kelesi otyrysty ótkizý merzimin aldaǵy ýaqytta taǵy da ózara naqtylaý sheshimin jasady.
Aıta keteıik, úkimetaralyq keńes otyrysy toqsanyna bir ret uıymdastyrylady.