EAEO Úkimet basshylary biryńǵaı tsıfrlyq ekonomıka qurý máselesin taqylaıdy

ASTANA. QazAqparat  - Eýrazııalyq ekonomıkalyq odaq quramyna kiretin elderdiń premer-mınıstrleri 26 mamyr kúni Qazanda biryńǵaı tsıfrlyq ekonomıka qurý máselesin talqylaıdy. 

TASS agenttigi habarlaǵandaı, bul týraly «Ónerkásipti Reseıdiń tsıfrlyq ındýstrııasy» konferentsııasy aıasynda ótken plenarlyq sessııada RF baılanys jáne buqaralyq kommýnıkatsııalar mınıstri Nıkolaı Nıkıforov málim etti.

«26 mamyr kúni Qazanda Eýrazııalyq ekonomıkalyq odaǵy úkimetaralyq keńesiniń otyrysy ótedi. Bul da asa mańyzdy shara. EAEO-ǵa kiretin barlyq elderdiń premer-mınıstrleri EAEO-nyń biryńǵaı tsıfrlyq kún tártibin talqylaıdy», - dedi ol.

Buǵan deıin Reseıdiń baılanys jáne buqaralyq kommýnıkatsııalar mınıstrligi «RF tsıfrlyq ekonomıkasy» baǵdarlamasynyń jobasyn daıyndaǵany habarlanǵan bolatyn. Oǵan sáıkes, 2025 jyly halyq ómiriniń sapasyn jaqsartatyn birqatar kórsetkishterge qol jetkizý josparlanýda. Baǵdarlama damýdyń segiz baǵytyn qamtıdy: memlekettik retteý, aqparattyq ınfraqurylym, zertteý men ázirlemeler, kadr jáne bilim berý, aqparattyq qaýipsizdik, memlekettik basqarý, «aqyldy qala» jáne tsıfrlyq densaýlyq saqtaý.

Konferentsııa Tatarstanda 24-26 mamyr aralǵynda ótip jatyr.