EAEO soty táýelsiz organ retinde óz mindetin oryndaýy tıis- QR Prezıdenti
«Eýrazııalyq ekonomıkalyq odaqtyń soty tolyǵymen óziniń mindetin, táýelsiz organ retinde júktelgen tapsyrmany oryndaýy tıis. Qabyldanǵan sheshimder áıtpese, konsýltatıvti sıpatqa ıe bolyp barady. Taraptardyń EAEO sotynyń sheshimin nazarǵa ala bermeıtin kezderi de bar. Qoldanystaǵy tájirıbege taldaý jasaı otyryp, Joǵary Eýrazııalyq ekonomıkalyq keńestiń otyrystarynyń birinde EAEO sotynyń rólin arttyrý boıynsha usynystar ortaǵa salynýy tıis», - dedi Prezıdent.
Aıta ketsek, Qazaqstan Prezıdenti Qasym-Jomart Toqaev qatysqan Joǵary Eýrazııalyq ekonomıkalyq keńestiń otyrysy «Habar 24» arnasynda tikeleı efırde kórsetildi.
Armenııa astanasynda Joǵary ekonomıkalyq keńestiń otyrysy ótip jatyr. Іs-sharaǵa Qazaqstan Prezıdenti Qasym-Jomart Toqaev, Belarýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń Prezıdenti Sooronbaı Jeenbekov, Reseı Federatsııasynyń prezıdenti Vladımır Pýtın, Armenııanyń Premer-mınıstri Nıkolaı Pashınıan jáne Eýrazııalyq ekonomıkalyq komıssııa Alqasynyń tóraǵasy Tıgran Sarkısıan qatysty.