«EAEO-ShYU-EO» yntymaqtastyǵyn damytý qajet - Nursultan Nazarbaev

ASTANA. QazAqparat - QR Prezıdenti Nursultan Nazarbaevtyń aıtýynsha, ıntegratsııalyq uıymdardyń arasynda ytymaqtastyq baılanystaryn ornatýdyń arqasynda ekonomıkalyq turaqtylyqqa qol jetkizýge bolady, dep xabarlaıdy QazAqparat tilshisi.

«Máselen, Eýrazııalyq ekonomıkalyq odaq pen Qytaıdyń bir beldeý bastamasy bir-birin tolyqtyra alady. Sonyń arqasynda tutas bir aımaqtardyń jańa múmkindikterin ashýǵa múmkindik bar. Ortalyq Azııa da odan tys qalmaıdy. Búginde Eýrazııalyq ekonomıkalyq odaq, Shanxaı yntymaqtastyq uıymy men Eýropalyq odaq arasynda saýda-ekonomıkalyq baılanystardy nyǵaıtý qajet. Men ol týraly talaı ret aıtqanmyn. Atalǵan úsh ıntegratsııalyq uıymnyń yntymaqtastyǵyn damytýǵa qajetti barlyq jaǵdaılar bar. Menińshe, dál osy yntymaqtastyqtyń bolashaǵy zor. Erte me, kesh pe, biz oǵan kelemiz. Sebebi ondaı baılanysty bárimiz úshin tıimdi bolyp tur», - dedi Nazarbaev búgin Aqordada ótken kezdesýde.

Memleket basshysy jańa yntymaqtastyqty «Eýrazııanyń sáti» dep atady. Al ortalyq Eýrazııa sol yntymaqtastyqtyń qozǵaýshy kúshi bolýy qajet. «Azııadaǵy ózara yqpaldastyq pen senim sharalary keńesi Eýrazııanyń qaýipsizdigine óz úlesin qosa alady. Qazirgi kezde atalǵan uıymǵa 26 memleket kiredi», - de atap kórsetti Elbasy.

Aıta keteıik, búgin QR Prezıdenti Nursultan Nazarbaev elimizde tirkelgen dıplomatııalyq mıssııalar men xalyqaralyq uıymdardyń ókilderimen kezdesti. Elbasy barlyq elshilerdi dıplomatııalyq qyzmet kúnimen quttyqtap, 25 jyldyń ishinde Qazaqstannyń 182 memleketpen baılanys ornatqanyn, sondaı-aq 57 elshilik ashqanyn jetkizdi.