EAEO shekarasyndaǵy beketter veterınarııalyq qaýipsizdik máselesin qıyndatyp otyr – Aıdarbek Saparov

ASTANA. KAZINFORM –Aýyl sharýashylyǵy mınıstri Aıdarbek Saparov Úkimet otyrysynda Eýrazııalyq ekonomıkalyq odaq shekarasyndaǵy baqylaý beketter veterınarııalyq qaýipsizdik máselesin qıyndatyp otyrǵanyn málim etti.

— Qazaqstan aýmaǵynda azyq-túlik qaýipsizdigine jaýapty 64 veterınarııalyq baqylaý beketi jumys isteıdi. Jyl basynan beri 28,5 myń kólik tekserilip, 547 kólik keri qaıtarylyp, aıyppul salyndy, — dedi ol.

Vedomstvo basshysy Eýrazııalyq ekonomıkalyq odaqtan keletin ımporttyń veterınarııalyq qaýipsizdigine qatysty qordalanǵan másele bar ekenin atap ótti.

— Alaıda, EAEO elderinen keletin ónimdi baqylaıtyn beketter shekara syrtynda ornalasqan. Bul júkterdi toqtatý men baqylaý jasaýdy qıyndatady. Importtalatyn júkterdiń veterınarııalyq qaýipsizdigin qamtamasyz etý úshin baqylaý beketteri ótkizý pýnktteriniń alańyna ornalastyryp, Memlekettik kirister komıtetiniń Keden qyzmeti jáne UQK Shekara qyzmetiniń aqparattyq júıelerimen ıntegratsııalaý qajet, — dedi mınıstr.

Buǵan deıin Qazaqstanda aýyl sharýashylyǵyn tsıfrlandyrý qalaı júrip jatqanyna sholý jasaǵan edik.