EAEO: shekaradan aqsha alyp ótýdiń jańa erejesi kúshine endi

NUR-SULTAN. QazAqparat – Eýrazııalyq ekonomıkalyq odaq (EAEO) shekarasynan 100 myń dollardan kóp somany alyp óterde shekara deklaratsııasyn toltyryp qana qoımaı, aqshanyń qaıdan kelgeni týraly qujatty da usyný qajet. Ereje 4 aqpan, ıaǵnı búginnen bastap kúshine enedi, dep habarlaıdy QazAqparat Reseı Federaldyq keden qyzmetiniń saıtyna silteme jasap.

Qarajattyń qaıdan kelgenin rastaıtyn qujat retinde shottan aqsha alǵany týraly nemese nesıe alý týraly bankten berilgen anyqtamalardy paıdalanýǵa bolady. Sonymen qatar, kelisim jasaý, máselen muraǵa alǵanyn nemese syıǵa tartqanyn rastaıtyn qujatty usyna alady.

«Qajetti qujattardy kórsetpegen jaǵdaıda aqshany EEO shekarasynan alyp ótýge jol berilmeıdi», - delingen mátinde.

Bul sharalar terrorızmdi qarjylandyrý jáne zańsyz jolmen alynǵan qarjymen kúresý úshin qajet. Bul norma quramyna Armenııa, Belarýs, Qazaqstan, Qyrǵyzstan jáne Reseı kiretin EEO elderinde júzege asyrylady.