EAEO ósimdikter karantıni jónindegi Jerorta teńizi uıymymen yntymaqtastyq ornatpaq
ASTANA. QazAqparat - Máskeýde Eýropalyq fıtosanıtarlyq zertteýler úılestirý baǵdarlamasyna (Euphresco) arnalǵan halyqaralyq semınarda, Ósimdik qorǵaý týraly Eýropalyq jáne Jerorta teńizi uıymynyń bas atqarýshy dırektory Martın Ýord pen EEK Tehnıkalyq retteý mınıstri Valerıı Koreshkov yntymaqtastyq baǵdarlamasyn daıyndaý týraly ýaǵdalastyqqa qol jetkizdi.
EEK baspasóz qyzmetiniń habarlaýynsha, qatysýshylar Euphresco baǵdarlamasy aıasynda júrgizilgen fıtosanıtarlyq zertteýler salasyndaǵy jetistikteri týraly aıtyp berdi. EEK múshe elderdiń ǵylymı ınstıtýttary atalmysh baǵdarlamaǵa úlken qyzyǵýshylyq tanytty.
Semınarda Ósimdik qorǵaý týraly Eýropalyq jáne Jerorta teńizi uıymy men EEK arasynda 2020 jylǵa deıingi yntymaqtastyq baǵdarlamasyn daıyndaý týraly ýaǵdalastyqqa qol jetkizildi.
27-28 shildede ótken atalmysh sharany Ósimdik qorǵaý týraly Eýropalyq jáne Jerorta teńizi uıymy uıymdastyrǵan. Oǵan EEK, Ósimdik qorǵaý týraly Eýropalyq jáne Jerorta teńizi uıymy, Kanada, Avstrııa, Ispanııa, Gollandııa, Latvııa, Lıtva, Belgııa jáne Ispanııanyń, Eýrazııalyq ekonomıkalyq odaqtyń ósimdikterdi qorǵaý jónindegi ulttyq uıymdary, sonymen qatar Odaqqa múshe memleketterdiń ǵylymı ınstıtýttary qatysty.
