EAEO: Óńiraralyq yntymaqtastyqty damytý - ıntegratsııanyń basty tetikteriniń biri

ASTANA. QazAqparat - Eýrazııalyq ekonomıkalyq odaq elderi arasynda shekaralyq jáne óńiraralyq yntymaqtastyqty damytý eýrazııalyq ıntegratsııanyń basty tetikteriniń birine aınalyp otyr, dep habarlaıdy «QazAqparat» HAA EEK baspasóz qyzmetine silteme jasap.

Eýrazııalyq ekonomıkalyq komıssııa alqasynyń tóraǵasy Tıgran Sarkısıan beısenbi kúni «Orenbýrje - Eýrazııanyń júregi» halyqaralyq forýmynda eýrazııalyq brendterdi qalyptastyryp, damytýǵa jaǵdaı jasaıtyn birlesken kásiporyndar qurý jumystaryn jandandyrý qajettigin tilge tıek etti.  «Odaq elderiniń óńirleri ıntegratsııanyń barlyq strategııalyq mindetteri boıynsha birlesken jobalardy engizý men damytýdyń qozǵaýshy kúshi bolady dep úmittenemiz», - dedi.

EEK alqasynyń tóraǵasy Qazaqstan men Reseı óńirleri arasynda 300-den astam kelisimge qol jetkizilgenin málimdedi.